தமிழகத்தில் 10, 11, 12ம் வகுப்புகளுக்கான பொதுத்தேர்வு அட்டவணை 2022 – அதிகாரபூர்வ அறிவிப்பு!

தமிழகத்தில் 10, 11, 12ம் வகுப்புகளுக்கான பொதுத்தேர்வு அட்டவணை 2022 

தமிழகத்தில் இரண்டு ஆண்டுகளுக்கு பின் 10, 11 மற்றும் 12 ஆம் வகுப்பு மாணவர்களுக்கு பொதுத்தேர்வு நடைபெற இருக்கும் நிலையில் தற்போது தேதி மற்றும் தேர்வு அட்டவணை வெளியாகி இருக்கிறது.

தேர்வு அட்டவணை வெளியீடு:

தமிழகத்தில் கொரோனா பரவல் காரணமாக கடந்த 2 ஆண்டுகளாக பள்ளிகள் திறக்கப்படாமல் ஆன்லைன் மூலமாக வகுப்புகள் நடத்தப்பட்டு வந்தன. இந்நிலையில் 10, 11 மற்றும் 12 ஆம் வகுப்பு மாணவர்களுக்கு ஆன்லைன் மூலமாக பாடத்திட்டங்களை சரியாக முடிக்க முடியவில்லை என்பதால் 2 ஆண்டுகளாக பொதுத்தேர்வு நடத்தப்படவில்லை. மாணவர்களுக்கு அதுக்கு முன்னதாக நடத்தப்பட்ட தேர்வுகள் அடிப்படையில் மதிப்பெண் வழங்கப்பட்டது.

இந்த ஆண்டு கொரோனா பரவல் குறைந்ததன் காரணமாக பள்ளிகள் திறக்கப்பட்டு மாணவர்களுக்கு நேரடி வகுப்புகள் நடத்தப்பட்டு வருகிறது. அதனால் இந்த ஆண்டுகள் கட்டாயம் 10, 11 மற்றும் 12 ஆம் வகுப்பு மாணவர்களுக்கு பொதுத்தேர்வு நடத்தப்படும் என பள்ளிக்கல்வித்துறை சார்பில் தெரிவிக்கப்பட்டுள்ளது. இதற்கான கால அட்டவணை, இன்று (மார்ச் 2) காலை 10:00 மணிக்கு வெளியாகும் என தெரிவிக்கப்பட்டுள்ளது. அதன் படி தற்போது அதற்கான கால அட்டவணை வெளியாகி இருக்கிறது.

10ம் வகுப்புக்கான தேர்வுகள்: மே.6-ஆம் தேதி தொடங்கி மே.30ஆம் தேதி வரை நடைபெறும்.

11ம் வகுப்புக்கான தேர்வுகள்:மே.9-ஆம் தேதி தொடங்கி  மே.31ஆம் தேதி வரை நடைபெறும்.

12ம் வகுப்புக்கான தேர்வுகள்: மே.5ஆம் தேதி தொடங்கி மே.28ஆம் தேதி வரை நடைபெறும்.

10, 11, 12ம் வகுப்பு மாணவர்களுக்கான செய்முறைத் தேர்வுகள் ஏப்ரல் 25ல் தொடங்குகிறது.

பொதுத்தேர்வுக்கான தேதி அட்டவணை http://tnschools.gov.in என்ற இணைய தளத்தில்  வெளியிடப்பட்டுள்ளது.

Click Here to Download PDF