TNTET Exam – ஆசிரியர் தகுதித் தேர்வு 2 ஆம் தாள் TRB முக்கிய அறிவிப்பு
ஆசிரியர் தகுதித் தேர்வு 2ஆம் தாள் குறித்து மாதிரித் தேர்வு நடத்தப்பட உள்ளதாக ஆசிரியர் தேர்வு வாரியம் தெரிவித்துள்ளது. நடப்புக் கல்வி ஆண்டின் ஆசிரியர் தகுதித் தேர்வுக்கான 2ஆம் தாள் தேர்வு ஜன. 31 முதல் பிப். 12ம் தேதி வரை நடைபெற உள்ளது குறிப்பிடத்தக்கது.
அரசு கொண்டுவந்த இலவசக் கட்டாயக் கல்வி உரிமைச் சட்டப்படி அனைத்து வகையான பள்ளிகளிலும் ஆசிரியராகப் பணியில் சேர மத்திய அரசு, மாநில அரசுகள் நடத்தும் ஆசிரியர் தகுதித் தேர்வில் தேர்ச்சி பெற வேண்டும். அதன்படி நடத்தப்படும் ஆசிரியர் தகுதித் தேர்வு (TAMILNADU TEACHER ELIGIBILITY TEST (TNTET)) மொத்தம் 2 தாள்களைக் கொண்டது. முதல் தாளில் தேர்ச்சி பெறுபவர்கள் இடைநிலை ஆசிரியராகவும், 2-ம் தாளில் தேர்ச்சி அடைபவர்கள் பட்டதாரி ஆசிரியராகவும் பணிபுரியலாம்.
இதற்கிடையில் நடப்பு ஆண்டுக்கான ஆசிரியர் தகுதித் தேர்வு தாள் 1 மற்றும் தாள் 2 ஆகியவற்றுக்கான அறிவிப்பு கடந்த மார்ச் மாதம் வெளியிடப்பட்டது. விண்ணப்பதாரர்கள் இணையதளம் வாயிலாக ஏப்ரல் 26ஆம் தேதி வரை விண்ணப்பித்தனர். ஆசிரியர் தகுதித் தேர்வு தாள் 1-க்கு 2,30,878 பேரும் மற்றும் தாள் 2-க்கு 4,01,886 பேரும் என மொத்தமாக 6,32764 பேர் விண்ணப்பித்தனர்.
இந்த நிலையில் மாதிரித் தேர்வுக்கான இணைப்பை டிஆர்பி வெளியிட்டுள்ளது. தேர்வர்கள்
என்ற இணைப்பை க்ளிக் செய்து, தேர்வை எழுதிப் பார்க்கலாம்.